Կրեմլը հաստատում է Հայաստանն ու Ադրբեջանն ունեն իրենց հարաբերությունները կառուցելու իրավունք
Հայաստանն ու Ադրբեջանն ինքնիշխան պետություններ են, որոնք լիակատար իրավունք ունեն հարաբերություններ կառուցել ցանկացած երկրի, այդ թվում՝ ԱՄՆ-ի հետ։ Այս մասին ճեպազրույցի ժամանակ հայտարարել է Ռուսաստանի...
Հայաստանն ու Ադրբեջանն ինքնիշխան պետություններ են, որոնք լիակատար իրավունք ունեն հարաբերություններ կառուցել ցանկացած երկրի, այդ թվում՝ ԱՄՆ-ի հետ։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ փոխնախագահ Ջեյ Դի Վենսի այցը Հարավային Կովկաս և երեք երկրների հայտարարությունները համատեղ լայնածավալ ծրագրերի մասին։
«Դրանք ինքնիշխան պետություններ են, եւ նրանք ունեն տարբեր պետությունների հետ իրենց հարաբերությունները կառուցելու ինքնիշխան իրավունք», – ընդգծել է Կրեմլի ներկայացուցիչը՝ հղում տալով ՏԱՍՍ-ի լրատվական գործակալությանը։
ԱՄՆ փոխնախագահ Ջեյ Դի Վենսի այցը Հարավային Կովկաս ավարտվում է այսօր։ Ադրբեջանի հետ նա ԱՄՆ-ի անունից ստորագրել է ռազմավարական գործընկերության խարտիա։ Իսկ Հայաստանի հետ ավարտել է բանակցությունները միջուկային էներգետիկայի ոլորտում փոխգործակցության և տվյալների կենտրոնների կառուցման շուրջ։
