Հայաստանում մասնագիտական կրթական հաստատությունները լիցենզավորվելու են
ՀՀ Ազգային ժողովի գիտության, կրթության, մշակույթի, սփյուռքի, երիտասարդության եւ սպորտի հարցերի հանձնաժողովը դրական եզրակացություն է տվել “Մասնագիտական կրթության և ուսուցման մասին”...
ՀՀ Ազգային ժողովի գիտության, կրթության, մշակույթի, սփյուռքի, երիտասարդության եւ սպորտի հարցերի հանձնաժողովը դրական եզրակացություն է տվել “Մասնագիտական կրթության և ուսուցման մասին” օրենքում և հարակից օրենքների փաթեթում ՀՀ կառավարության ներկայացրած փոփոխություններին։
Փոփոխությունները ներկայացնող ՀՀ կրթության, գիտության, մշակույթի և սպորտի փոխնախարար Արաքսյա Սվաջյանը նշել է, որ “Մասնագիտական կրթության և ուսուցման մասին” օրենքը, որը գործում է արդեն շուրջ երկու տարի, իրականացման ընթացքում բացահայտել է մի շարք խնդիրներ, որոնք պահանջում են լրացուցիչ նորմատիվ ակտերի ընդունում։
Այս խնդիրների լուծման համար ներկայացվել է օրենսդրական նախաձեռնություն, որը նախատեսում է փոփոխություններ կատարել ոչ միայն հիմնական օրենքում, այլև հինգ հարակից օրենքներում։
Փոխնախարարի խոսքով՝ նորմատիվ ակտերի առաջին և ամենակարևոր խումբը վերաբերում է մասնագիտական կրթության հաստատությունների լիցենզավորմանը։
Այլ կարևոր ուղղություններից են՝
Ֆինանսավորման քաղաքականության կարգավորումը։ Պատրաստվում է սահմանել նորմ, որը կամրապնդի գերակա մասնագիտությունները և դրանց ֆինանսավորման կարգը։
Կրթության հասանելիության ապահովումը։ Կարգավորվելու է կրթական առանձնահատուկ պայմանների կարիք ունեցող աշակերտներին մանկավարժական և հոգեբանական աջակցության տրամադրումը ներառական կրթության համակարգի զարգացման շարունակության համատեքստում։
Մասնագիտական ուսումնական հաստատությունների գործունեության կարգավորումը։ Բարձրագույն ուսումնական հաստատություններում աշխատող բոլոր աշխատակիցներին կտրամադրվեն ծառայողական անձնագրեր։
Մանկավարժական աշխատողների սերտիֆիկացումը և դասակարգումը։ Կարգավորվելու է մասնագիտական և տեխնիկական կրթության ոլորտի մանկավարժական աշխատողների սերտիֆիկացման և դասակարգման գործընթացը, ինչպես նաև կխթանեն աշխատավայրում դասավանդման ժամանակակից մեթոդների զարգացումը։
