«Հայաստան» դաշինքը պատրաստ է երկրի ապագայի համար պատասխանատվություն ստանձնել

Ընտրողների հետ հանդիպման ընթացքում ես հայտարարել եմ, որ «Հայաստան» դաշինքը պատրաստ է վերցնելու երկրի ապագայի համար պատասխանատվությունը։

Ես վստահ եմ, որ կարելի է վերականգնել հարգանքը Հայաստանի հանդեպ։ Մեր նպատակն է խզել Ալիևի հետ կառուցված «տիրոջ և ծառայի» հարաբերությունները։ Ադրբեջանի հետ խաղաղության պայմանագիրը կստորագրվի լրացումներով, որոնք կերաշխավորեն խաղաղությունը։ Վստահ եղեք՝ դա հնարավոր է, և մենք դա կանենք։

Ես տեսնում եմ Հայաստանը որպես ժամանակակից արդյունաբերական երկիր, որը կլինի տարածաշրջանում ամենաարդյունավետ զարգացողը՝ ունենալով զարգացած գյուղատնտեսություն և ֆինանսական համակարգ։ Մենք կվերականգնենք Հայաստանի դիրքը որպես ներդրումների համար տարածաշրջանում ամենաընդունակ երկիր։

Մենք չենք պայքարելու սեփական պատմության, Արարատի, Հայաստանի ազգային եկեղեցու և մեր ինքնության դեմ։

Մեր նպատակն է Հայաստանը դարձնել ամենաուժեղ և կայուն երկիրը, որտեղ քաղաքացիները չեն մտահոգվի անվտանգության հարցերով, այլ դրանով պետք է զբաղվի իշխանությունը։ Սա կլինի երկիր, որը ստիպված չի լինի պայքարել անվերջ ճգնաժամերի դեմ, որտեղ պետական ծառայողը ստիպված չի լինի կատարել անօրինական հրամաններ, որպեսզի չկորցնի աշխատանքը։

Հայաստանում չկա մեկ այլ քաղաքական գործիչ, որը կունենա նման փորձը՝ անվտանգության, կառավարման և խոշոր բիզնեսում։ Սա եզակի փորձ է, և ես պատրաստ եմ ժամանակս, նյարդերս նվիրել մեր երկրի հաջողությանը։ Այս փորձին ավելացրեք մի թիմ՝ ուժեղ, համարձակ, պատրաստ երկիրը պրոֆեսիոնալ ձևով տանել դեպի ապագա։ Մենք պատրաստ ենք պատասխանատվություն ստանձնել երկրի ապագայի համար և կանենք դա։