Հանուն քարոզչական արշավի՝ պաշտպանական գաղափարի իմաստազրկումը
Պաշտպանության նախարար Սուրեն Պապիկյանի կողմից սահմանին տեղադրված պաշտպանական կառույցների հրապարակումը, որը ներկայացվում է որպես «Քաղաքացիական պայմանագիր» կուսակցության նախընտրական արշավի մաս,...
Պաշտպանության նախարար Սուրեն Պապիկյանի կողմից սահմանին տեղադրված պաշտպանական կառույցների հրապարակումը, որը ներկայացվում է որպես «Քաղաքացիական պայմանագիր» կուսակցության նախընտրական արշավի մաս, իմաստազրկում է ռազմական գաղափարի էությունը և խախտում է հակառակորդի համար անկանխատեսելիության հիմնարար սկզբունքը։
Այս իրադարձությունը հիշեցնում է մի դրվագ, որը տեղի էր ունեցել ոչ վաղ անցյալում։ Մոտ երկու տարի առաջ մի խումբ ընդդիմադիր պատգամավորներ, ինքնամերձուցյալներով, ծանոթացել էին այդ կառույցների առաջին նմուշներին։ Այնուհետև մենք համատեղ գրություն էինք պատրաստել՝ մեր դիտարկումներն ու բացթողումները ներկայացնելու համար։
Մեր մեկնաբանություններից մեկը վերաբերում էր հակադիվերսիոն միջոցառումների անհրաժեշտությանը։ Մեր տեսակետով, կառույցի արտաքին մասում պետք է իրականացվեին որոշակի գործողություններ, որոնք կհանգեցնեին դրա ռազմական բնույթի ցուցադրմանը։
Ստացած պատասխանը զարմանալիորեն պարզ էր․ «չենք անում, որ հակառակորդը չֆիքսի, որ այս վայրում ռազմական օբյեկտ կա»։ Այդ բացատրությունը, արդեն իսկ այն ժամանակ, շատ անլուրջ էր։ Ինչու՞, քանի որ հակառակորդի տարածքից ընդամենը մի քանի կիլոմետր հեռու, արդեն երկու տարի շարունակ, իրականացվել էին լայնածավալ աշխատանքներ, որոնք, բնականաբար, նրանց կողմից ֆիքսվել էին։
Այսօր, երբ այդ ամբողջ գործընթացը վերածվել է քարոզչական տեսանյութերի շարքի, այն ոչ թե ռազմական գաղափարի պաշտպանությունն է, այլ հակառակորդին պաշտպանական կառույցների առանձնահատկությունների և կառուցվածքի մանրամասն նկարագրությունը։ Սա ոչ միայն իմաստազրկում է գաղափարը, այլև վերացնում է հակառակորդի համար անկանխատեսելիության գործոնը, որը ռազմական ռազմավարության հիմնարար սյուներից է։
