ՀՀ պաշտպանության նախարարը հանդիպել է Ֆրանսիայի նախագահի ռազմական խորհրդականի հետ
Մարտի 26-ին, Ֆրանսիա կատարած պաշտոնական այցի շրջանակներում, ՀՀ պաշտպանության նախարար Սուրեն Պապիկյանը հանդիպել է Ֆրանսիայի նախագահի ռազմական խորհրդական, հատուկ ռազմական շտաբի պետ, բանակի գեներալ...
Մարտի 26-ին, Ֆրանսիա կատարած պաշտոնական այցի շրջանակներում, ՀՀ պաշտպանության նախարար Սուրեն Պապիկյանը հանդիպել է Ֆրանսիայի նախագահի ռազմական խորհրդական, հատուկ ռազմական շտաբի պետ, բանակի գեներալ Վինսենթ Ժիրոյի հետ։
Հանդիպումը տեղի է ունեցել Փարիզում։ Կողմերի ներկայությամբ էր նաև Ֆրանսիայում ՀՀ արտակարգ և լիազոր դեսպան Արման Խաչատրյանը։
Հանդիպման ընթացքում մանրամասն քննարկվել են հայ-ֆրանսիական պաշտպանական համագործակցության առկա և հնարավոր ուղղություններն ու ծրագրերը։ Բացի այդ, քննարկվել են միջազգային անվտանգությանը վերաբերող մի շարք հրատապ հարցեր։
