ԱՄՆ-իսրայելական կոալիցիան հարվածել է Թեհրանի հայկական թաղամասում գտնվող բնակելի համալիրի

ԱՄՆ-ն և Իսրայելը հարված են հասցրել Թեհրանի հին հայկական Մաջիդիե թաղամասում գտնվող բնակելի համալիրի։

Վերջին տվյալներով՝ զոհեր չկան, սակայն փլատակների տակ հայտնվել են մի քանի բնակիչ։

Մաջիդիեն Թեհրանի ամենահին և ամենահայտնի թաղամասերից է։ Այն հայտնի է իր աշխույժ մթնոլորտով, զարգացած ենթակառուցվածքով և յուրօրինակ ճարտարապետությամբ։ Թաղամասի ձևավորման և զարգացման գործում կարևոր դեր է խաղացել իրանահայությունը։

Այս հարվածը տեղի է ունեցել փետրվարի 28-ի ԱՄՆ-ի և Իսրայելի կողմից Իրանի վրա գործած հարձակումներից հետո։ Ի պատասխան՝ Իրանը հարվածներ է հասցնում Մերձավոր Արևելքում տեղակայված ԱՄՆ-ի ռազմակայաններին։

Հիշեցնենք, որ մարտի 8-ին Իրանի փորձագետների խորհուրդն Իրանի Իսլամական Հանրապետության նոր գերագույն առաջնորդ է ընտրել զոհված գերագույն առաջնորդ Ալի Սեյեդ Խամենեիի որդուն՝ այաթոլլա Սեյեդ Մոջթաբա Խամենեիին։