Ռուս-հայկական համալսարանը հինգ առաջատար ծրագրով է աջակցում հանրային ծառայողների որակավորման բարձրացման պետական ծրագրին

ՀՀ-ում հանրային կառավարման բարեփոխումների շրջանակում ներդրված պետական կառավարման համակարգի աշխատակիցների խրախուսման պիլոտային կարգի համաձայն՝ պարգևավճար ստացած աշխատակիցները կարող են ուղղել այդ միջոցները իրենց որակավորումը բարելավելու կամ լրացուցիչ կրթություն ստանալու համար։ Այս նպատակով Ռուս-հայկական համալսարանը (ՌՀՀ) հանդես է գալիս հինգ առաջատար և մեծ պահանջարկ ունեցող կրթական ծրագրով, որոնք ուղղված են բարելավելու ղեկավարական կադրերի կարողությունները։

Համալսարանը, որպես հանրային ծառայողների համար նախատեսված որակավորման բարձրացման պետական ծրագրի հիմնական մասնակից, առաջարկում է հետևյալ ոլորտներում մասնագիտացված դասընթացներ։

1. Մարդկային ռեսուրսների կառավարում (HR)

Այս ծրագիրը նախատեսված է ղեկավարական պաշտոններ զբաղեցնող անձանց համար և ուղղված է բարելավելու աշխատակիցների ընտրության, մոտիվացման և կառավարման հմտությունները։

2. Մեդիագրագիտություն. տեղեկատվական անվտանգություն և աշխատանքը համացանցում

Այս դասընթացը կրթում է պետական ծառայողներին ճշգրիտ տեղեկատվություն տարանջատելու, ֆեյք նորությունների դեմ պայքարելու և աշխատանքային միջավայրում տեղեկատվական անվտանգությունն ապահովելու հմտություններին։

3. Նախագծերի կառավարում

Ծրագիրը կրթում է ծրագրերի արդյունավետ մշակման, իրականացման և գնահատման հմտություններին՝ ապահովելով պետական նախաձեռնությունների հաջող իրականացումը։

4. Պետական-մասնավոր գործընկերություն (ՊՄԳ)

Այս ծրագիրը նպատակ ունի ծառայողներին կրթելու՝ պետական և մասնավոր հատվածների միջև արդյունավետ համագործակցություն կառուցելու և կառավարելու հմտություններով։

5. Ֆինանսական գրագիտություն

Ծրագիրը բարձրացնում է ֆինանսական հաշվետվությունների վերլուծության, բյուջեի կառավարման և ռեսուրսների արդյունավետ բաշխման հմտությունները։

Դասընթացները հասանելի են ինչպես առկա, այնպես էլ հեռավար ձևաչափով՝ 6, 8 կամ 16 ակադեմիական ժամ տևողությամբ։ Ուսման վարձը կազմում է համապատասխանաբար 70 000, 90 000 և 160 000 դրամ։

Համալսարանը կարող է կազմակերպել դասընթացներն անմիջապես պետական մարմիններում՝ աշխատակիցների համար ավելի հարմարավետ պայմաններ ապահովելու նպատակով։

Լրացուցիչ տեղեկությունների և գրանցման համար կարելի է դիմել հետևյալ հեռախոսահամարներով․

HR ծրագիր: Արաքսյա Քատվալյան (+374 12 775 775, ներքին՝ 358)
Կառավարման ծրագրեր: Կարինե Հարությունյան (+374 12 775 775, ներքին՝ 360)
ՊՄԳ և ֆինանսական գրագիտության ծրագրեր: Իվետա Ստեփանյան (+374 12 775 775, ներքին՝ 394)
Մեդիագրագիտության ծրագիր: Աննա Ստեփանյան (+374 12 775 775, ներքին՝ 354)