Քաղաքացիական պայմանագիր կուսակցության վարչության նիստում քննարկվել է նոր սահմանադրության նախագիծը

Հայաստանում կառավարող «Քաղաքացիական պայմանագիր» (ՔՊ) կուսակցության վարչության նիստը, որը տեղի է ունեցել մարտի 10-ին, նվիրված էր Հայաստանի Հանրապետության նոր սահմանադրության նախագծին։

Նիստը վարել է վարչության նախագահի տեղակալ, ՀՀ էկոնոմիկայի նախարար Գևորգ Պապոյանը։ Ընթացքում քննարկվել են սահմանադրական փոփոխությունների հետ կապված հարցեր։

Ավելի վաղ ՀՀ արդարադատության նախարար Սրբուհի Գալյանը հայտնել էր, որ ՀՀ սահմանադրության նոր տեքստի մշակումն ավարտվելու է 2026 թվականի մարտին։ Նա նաև ընդգծել էր, որ հանրությանը տեղեկացնելու նպատակով պետք է իրականացվի համապարփակ տեղեկատվական արշավ։ Ըստ պլանավորված ժամանակացույցի՝ 2026 թվականի հունիսի 7-ին նախատեսված խորհրդարանական ընտրություններից հետո կկայանա հանրաքվե։