«Քաղաքացիական պայմանագիր» կուսակցությունում հրապարակվել են պատգամավորության թեկնածուների ընտրության արդյունքները

«Քաղաքացիական պայմանագիր» կուսակցությունում ավարտվել է ՀՀ Ազգային Ժողովի պատգամավորության թեկնածուների ընտրության առաջին փուլի քվեարկության արդյունքների ամփոփումը։

Այս մասին փետրվարի 16-ին ճեպազրույցում հայտնել է իշխանական կուսակցության պատգամավոր Արուսյակ Մանավազյանը։

Ըստ նրա՝ քվեարկությանը մասնակցել է 1028 կուսակցական։ Քվեաթերթիկների ընդհանուր թիվը կազմել է 932, որոնցից 894-ը՝ վարչապետ Նիկոլ Փաշինյանի անունն էին։ Այսպիսով, կուսակցության 38 անդամ չի քվեարկել իր առաջնորդի օգտին։

Առաջին հնգյակի արդյունքները հետևյալն են․

1. Նիկոլ Փաշինյան՝ 894 ձայն
2. Սուրեն Պապիկյան՝ 780 ձայն
3. Գևորգ Պապոյան՝ 765 ձայն
4. Արարատ Միրզոյան՝ 743 ձայն
5. Վահագն Ալեքսանյան՝ 697 ձայն

Երկրորդ հնգյակում են ընդգրկված Ռուբեն Ռուբինյանը (687 ձայն), Արայիկ Հարությունյանը (668 ձայն), Հայկ Կոնջորյանը (663 ձայն), Ալեն Սիմոնյանը (628 ձայն) և Արսեն Թորոսյանը (620 ձայն)։

Կանանցից ամենաշատ ձայներ ստացել են Անահիտ Ավանեսյանը, Ալխաս Ղազարյանը և Հասմիկ Հակոբյանը։

Նշանակալի է, որ խորհրդարանական ընտրություններում իշխող կուսակցության ընտրական ցուցակի վերջնական կազմը կձևավորվի ապրիլի սկզբին կայանալիք խորհրդաժողովում։