Ընդդիմադիր ուժերի հայտարարությունները՝ դիրքավորման շրջան են, ոչ թե համագործակցության առաջարկ

Վերջին շաբաթներին ընդդիմադիր քաղաքական ուժերի կողմից արված հայտարարությունները, որոնք վերաբերում են վարչապետի ընտրության հնարավորությանը, իմ կարծիքով, ավելի շատ դիրքավորման շրջան են, քան համագործակցության առաջարկ։

Իհարկե, բնական է, որ յուրաքանչյուր քաղաքական ուժ իր թեկնածուին տեսնում է վարչապետի պաշտոնում։ Սակայն պետք է հասկանալ, որ վերջնական որոշումը, թե ով կլինի երկրի ղեկավարը, միշտ պատկանում է ժողովրդին։ Մենք, որպես «Հայաստան» դաշինք, անկեղծ ենք մեր ընտրողների հետ։ Մենք ներկայացնում ենք մեր թիմը, մեր մանրամասն ծրագիրը և հուսով ենք ժողովրդի վստահությանը։

Այս պահին առկա տվյալները հստակ ցույց են տալիս, որ որևէ միայնակ ուժ չի կարողանում ձևավորել իշխանություն։ Ուստի մենք հստակ հայտարարում ենք, որ եթե իշխանափոխությունը կախված լինի մեզանից, մենք պատրաստ ենք համագործակցության։

Իսկ այն ուժերը, որոնք հայտարարում են, որ անգամ իրենց ձայնից կախված լինի փոփոխությունը, նրանք, ըստ էության, չեն պատրաստվում համագործակցել։ Նրանք խոչընդոտում են իշխանափոխությանը։ Կարծում եմ, որ նրանց պարտականությունն է բացատրել ժողովրդին, թե ինչ են նրանք պատրաստվում անել, երբ իշխանափոխությունը կախված կլինի ոչ թե հայտարարությունից, այլ իրենց կոնկրետ ձայնից։

Հիշեցնեմ, որ հունիսի 7-ին Հայաստանում կկայանան խորհրդարանական ընտրություններ, որոնցում մենք կներկայացնենք մեր ծրագիրը՝ Ռոբերտ Քոչարյանի գլխավորությամբ։