Ընդդիմության համախմբումը՝ իշխանությունից Փաշինյանին հեռացնելու միակ ճանապարհը

Իմ տեսակետը պարզ է․ Հայաստանում իշխանությունից Նիկոլ Փաշինյանին և նրա կուսակցությանը հեռացնելու համար միայն ընդդիմության միավորումն ու համակարգված աշխատանքը կարող են ապահովել անհրաժեշտ քաղաքական ուժը։ Չեմ ուզում խաբել կամ մոլորեցնել մեր ժողովրդին՝ պնդելով, որ առանձին-առանձին գործող որևէ ուժ կարող է հաղթել։

Այսօր արդեն կան ձևավորված դաշինքներ և կուսակցություններ, որոնք, համախմբվելու դեպքում, ունեն բոլորը հնարավորություն ապահովելու 50%+1 ձայնը։ Սակայն առանձին-առանձին նրանցից յուրաքանչյուրը, իմ համոզմամբ, այդ նպատակին չի կարող հասնել։

Այս համախմբման գործընթացը, սակայն, պետք է կառուցվի ռացիոնալ հիմքերի վրա։ Իհարկե, յուրաքանչյուր քաղաքական ուժ իր կուսակցության ներկայացուցչին տեսնում է որպես Հայաստանի վարչապետի հնարավոր թեկնածու։ Սա յուրաքանչյուր ուժի բնական և հասկանալի ձգտում է։ Սակայն, իմ կարծիքով, ամենատրամաբանական մոտեցումը կլինի համախմբումը կազմակերպելու այն ուժի շուրջ, որը քվեարկության արդյունքներով կհավաքի ամենաշատ ձայները։ Այս առումով ես ոչ մի խնդիր չեմ տեսնում։

Այսպիսով, ցանկացած քաղաքական քայլ և որոշում պետք է դիտարկվի միայն մեկ համատեքստում՝ իշխող իշխանությանը, մասնավորապես՝ Նիկոլ Փաշինյանին և «Քաղաքացիական պայմանագիր» կուսակցությանը, իշխանությունից հեռացնելու նպատակով։ Հայաստանում խորհրդարանական ընտրություններն, որոնք նախատեսված են 2026 թվականի հունիսի 7-ին, պետք է դիտարկվեն որպես այս նպատակի իրագործման հիմնական հարթակ։