Իրանից Հայաստանով տարհանվեցին Ռուսաստանի ևս 94 քաղաքացի

Ապրիլի 15-ին «Նուրդուզ-Ագարակ» սահմանային անցակետով Իրանից Հայաստան ժամանած Ռուսաստանի ևս 94 քաղաքացի վերադարձել են հայրենիք։

Այս մասին տեղեկացնում է Հայաստանում Ռուսաստանի դեսպանատան մամուլի ծառայությունը։

Հատուկ չվերթով Երևանից Մոսկվա մեկնած ՌԴ քաղաքացիների հետ միասին դուրս են բերվել նաև Բելառուսի քաղաքացիներ։

Դիվանագիտական ներկայացուցչությունը շնորհակալություն է հայտնում Հայաստանի Հանրապետության իշխանություններին՝ «Ռոսատոմ» Պետական կորպորացիայի աշխատակիցների հարմարավետ տարանցման կազմակերպման հարցում ցուցաբերած աջակցության համար։

Ընդհանուր առմամբ, Իրանի շուրջ հակամարտության սկսվելուց ի վեր հայ-իրանական սահմանով Հայաստանով տարհանվել է ավելի քան 500 ռուսաստանցի։