Արթուր Օսիպյանը ձերբակալվել է բանավեճից հետո

Արցախի Հեղափոխական կուսակցության ղեկավար Արթուր Օսիպյանը ձերբակալվել է բանավեճից հետո, որը տեղի էր ունեցել Հայաստանի վարչապետ Նիկոլ Փաշինյանի հետ։ Այս մասին Facebook-ի իր էջում հաղորդել է արցախցի փաստաբան Ռոման Երիցյանը։

Ինչպես նա նշել է, իր հետ կապ են հաստատել Օսիպյանի հարազատները՝ հայտնելով, որ նրան ձերբակալել են։ Նրանք տեղեկություն չունեն Օսիպյանի գտնվելու վայրի մասին, իսկ նրա հեռախոսները անջատված են։

Փաստաբանը նաև հայտնում է, որ հեռացվել է Օսիպյանի Facebook-յան էջը, որտեղ նա վերջին շրջանում ակտիվորեն քննադատում էր Նիկոլ Փաշինյանին։

Այսօր՝ հունիսի 15-ին, Երևանի Արաբկիր վարչական շրջանում միջադեպ է տեղի ունեցել Փաշինյանի և Օսիպյանի միջև։ Ոստիկանությունը հարուցել է քրեական գործ՝ Օսիպյանի դեմ։ Քիչ անց Երիցյանը թարմացրել է իր գրառումը՝ նշելով, որ Օսիպյանը գտնվում է Ոստիկանության Արաբկիրի բաժանմունքում։

Այսօր Օսիպյանը Փաշինյանին մեղադրել էր այն բանում, որ նա օգնել է Արայիկ Հարությունյանին կոռուպցիոն սխեմաներով ընտրվել Արցախի նախագահ։ Նա նաև նշել է, որ հենց Փաշինյանն է լուծարել ԵԱՀԿ Մինսկի խումբը, որն զբաղվում էր Լեռնային Ղարաբաղի հակամարտության կարգավորման հարցով, իսկ հիմա ադրբեջանական իշխանություններն առաջ են տանում Հայաստանն ադրբեջանցիներով բնակեցնելու օրակարգը։

Այդ խոսքերը հանել են Փաշինյանին, որն սկսել է բղավել՝ «Ռադդ քաշի, համբալ», «Ղարաբաղյան պսևդոէլիտները թող ռադ ըլնեն ստեղից՝ ընդհանրապես»։ Նրա բռնկումը շարունակվել է՝ «Գնայիք զոհվեիք մեր որդիների փոխարեն, Արթուր Օսիպյաններ։ Թալանչիներ, անասուններ։ Գնա կորի, ինչու՞ ես կենդանի անասուն, դեռ 5000 հազար զոհվածի մասին ես խոսում։ Ռադ եղի, համբալ։ Պետք էր թույլ տալ, որ հիմա փետուրներդ քամուն տային»։