Ռուսաստանը չի պատրաստվում ֆինանսավորել Հայաստանի Եվրամիության ճանապարհը

Պետերբուրգի միջազգային տնտեսական համաժողովի շրջանակում կայացած ամենշաբաթյա ճեպազրույցի ժամանակ Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան չի պատրաստվում ֆինանսավորել Հայաստանի Եվրամիությանն անդամակցության գործընթացը։

Դիվանագետը մեկնաբանել է Հայաստանի ղեկավարության նախորոշ հայտարարությունները, թե խորհրդարանական ընտրություններից հետո կկարգավորվեն հայ-ռուսական հարաբերություններում առկա բոլոր հարցերը։ Նրա խոսքով՝ տարակուսանք է առաջանում այն հանգամանքից, որ այդ հարցերը չեն կարգավորվել մինչև ընտրություններ։

Զախարովան ընդգծել է, որ Ռուսաստանը բազմիցս հստակեցրել է, որ հայ-ռուսական հարաբերությունները ենթակա չեն կոնյունկտուրային փոփոխությունների, և ռուսական կողմը որևէ կապ չի ունեցել Հայաստանում ընտրական գործընթացների հետ։ «Մենք պարզապես արձանագրել ենք Հայաստանի կողմից Եվրամիության և Եվրատլանտյան կառույցների դեպի ձգման գործընթացի կտրուկ ակտիվացում», – նշել է նա՝ հղում տալով հանրապետության բարձրագույն ղեկավարության հայտարարություններին, Բրյուսելի կողմից ցուցաբերվող խրախուսական ազդակներին և մայիսի սկզբին Երևան այցելած եվրադեսանտին։ Նա նաև նշել է, որ մայիսի 5-ին Հայաստան-ԵՄ գագաթնաժողովի արդյունքներով ընդունված հռչակագրում ուղղակիորեն ողջունվում են Երևանի եվրաձգտումները։

Այս իրադարձությունների հետևանքով, ըստ դիվանագետի, Ռուսաստանի և ԵԱՏՄ-ի այլ անդամ երկրների շրջանում առաջացել են օրինական հարցեր՝ կապված Հայաստանի ապագայի հետ։ «Ինչպես են նրանք պատրաստվում կատարել իրենց պարտավորությունները գոյություն ունեցող կազմակերպությունների շրջանակներում։ Մենք լսել ենք ՀԱՊԿ-ի վերաբերյալ բանավոր էկվիլիբրիստիկա, բայց այստեղ արդեն, ըստ երևույթին, չի ստացվել ձևակերպումներ հորինել։ ԵԱՏՄ-ն Հայաստանից ոչ մի տեղ դուրս չի եկել», – ասել է նա։

Զախարովան հավելել է, որ Մոսկվան հետաքրքրված է հայկական կողմի դիրքորոշմամբ, սակայն մինչ օրս հստակ պատասխան չի ստացել։ Նրա խոսքով՝ կարծես Հայաստանի ղեկավարությունը փորձում է «նստել երկու աթոռների վրա»՝ ձեռնտու չլինելով ոչ մեկին։

«Առավել ևս, մենք չենք պատրաստվում վճարել դեպի Եվրոպական միություն ճանապարհի համար։ Այդ միավորումը մեր երկրի նկատմամբ, նաև այլ երկրների նկատմամբ վարում է բացահայտ թշնամական գիծ», – հայտարարել է Զախարովան՝ հարց տալով, թե ինչու Ռուսաստանը պետք է «ձեռքերը ծալած նստի»։

Նա նշել է, որ նրանք, ովքեր «պատրաստել են այս շիլան», ստիպված կլինեն կողմնորոշվել, և ընտրարշավը այս հարցում բացարձակապես ոչինչ չի փոխում։ Ըստ նրա՝ խնդիրը պարզապես այն գծի հստակ սահմանման հարցն է, որը նախատեսվում է անցկացնել։

Այս հայտարարությունը հաջորդում է ապրիլին Հայաստանում ընդունված օրենքին, որով սահմանվում է Եվրոպական Միությանն անդամակցելու գործընթացի սկիզբը, ինչպես նաև 2026 թվականի մայիսին Ռուսաստանի նախագահ Վլադիմիր Պուտինի կողմից Հայաստանին ուղղված առաջարկին՝ որքան հնարավոր է շուտ կողմնորոշվել ԵՄ-ին և ԵԱՏՄ-ին անդամակցության հարցում։